„Freeidach is Plattdach“ is dat Motto uk dütt Joahr wäer in`n September.
De Kinner freeit sück schon immer, denn dann güw dat weer Witziges oder uk moje Gedichte off Leier up Platt. Uk danzet un raped werd dor düchtig. Düt Joahr kunnen wi de ersten Freeidage buten up usen grooten Schaulhoff moken, weil de Sünne soo moi för us schienen dö.
Von de Emsländische Lanskup göw dat weer ne heeile Masse an Material tau dat Motto in dütt Joahr. Un zwar gaht dat öwer dat „Mitnanner“.
De veerde Klasse hav lesste Wääke begunnen. Se habt us mit masse Leier up dat Motto „Freeidach is Plattdach“ instimmt un anschließend ein `n Sketch över dat Appelklauen in Pastors Goarn vormoakt.
Taun Schluss kreeg jedet Kind noch `ne moje Koorte mit lustige Sprüche up Platt.
Düsse Weeke was nu de darde Klasse dran. De habbt erst mal alle Kinner mit dat Leeid „Wat mook wi mit möje Kinner“ in Bewegung bröcht.
Anschließend gööv dat 2 witzige Gedichte un taun Schluss uk noch weer `n mojen Sketch. Dütt mal güng dat üm den Hund Bruno, de Schmacht haar.
Taun Schluss harr`n aale Kinner bi denn Hannes-Rap noch mal so richtig Spaß. Un natürlich gööv dat uk weer `n lüttket Geschenk för aale.
Wi freeit us all up nächste Weeke! Mal seihn, wat dann passeert.
Aale Kinner habt up jeden Fall immer vull Spaß dorbie!
Vandage güng dat bi wunnerboaren Sünnenschien wieder mit „Freeidach is Plattdach“.
De tweide Klasse harre sück wat moijet utdacht.
Tauerst mössen natürlirk aale Kinner wäär wacker moaket weern. Un dat gat am besten mit dat Bewegungsleeid „Wat moak wi mit möije Kinner?“.
Dorna hav de tweide Klasse us de Farwen up Platt bibröcht.
Un taun Abschluss göw dat noch weer `n Sketch över ein`n Jung, de hett Hein und kunn einfach nich helpen.
Außerdem göw dat vandage noch ein ganz besünneret Ereignis. Use Schoolmesterin Frau Raker harre 30. Geburtstag! Natürlik hab wie ehr dortau ein Ständchen up Platt bröcht.
Taun Schluss bekööm natürlich uk jeder weer `ne moije Koarte.
Dat was nu all dat vorlesste Mal.
Nächste Weeke kump nu noch de 1. Klasse dran un dann is de September all weer vörbi.
Aber eins is sicher: Plattdütschk moak wi trotzdem wieder!
De 1. Klasse hav us vandage an denn lessten Freiidach in September noch mal so richtig moij wat vörmooket.
Nahdem aale Kinner mit dat Leeid „Wat mook wi mit möje Kinner“ sück up Platt instimmt harrn, harren de Kinner un de Schoolmesterske Frau Schürmann en Quiz vör us. Wi mössen roahn, wo Deeire up plattdütschk heitet. Dat warrn aber uk so richtig interessante Deiere. Wi mössen roaen, wat `ne Pogge, Mieghemken, Eckeltewe, Steertpogge, Frote un `n Kateker is.
Dorna habt de Kinner us noch dat Leeid von Unkel Gerd un si`n Buurnhof vörsungen.
Dat was nu de lesste Veranstaltung tau „Freeidach is Plattdach“.
Dat hav wär aale richtig Spaß moaket un wi freeit us all up nächstet Joahr!
3.10. - 18.10. Herbstferien 
